Það fer að koma að því! - Ég fæ að klæðast uniformi verkfræðinga

Já, ég verð verkfræðingur innan skamms. Þetta eru tímamót sem voru svo óralangt í burtu þegar ég byrjaði haustið 2001.  Síðan þá hefur maður setið óramarga klukkutíma bæði í áhugaverðum og líka grautfúlum kúrsum og aukið vitneskju sína.

Spurningin er svo hvað maður fær út úr þessu. Jú, fína vinnu væntanlega og laun sem eru eitthvað hærra en meðallaun (en hækka samt ekki til jafns við hækkanir launa annarra stétta). En svo er tvennt  sem má ekki gleymast; maður kemst inn í "Hall of fame" og maður fær endanlegt leyfi til að klæðast uniformi verkfræðinga.

Hvað er uniform verkfræðinga? Ég gæti auðveldlega skellt inn myndum af nokkrum skólafélögum mínum sem voru komnir í uniformið fyrir útskrift. Gæti líka labbað inn á hvaða verkfræðistofu sem er og tekið mynd af fyrsta verkfræðingnum sem ég hitti. Betra samt að sleppa því. Uniformið samanstendur aðallega af tveimur flíkum:

• Flíspeysu (helst merktri einhverju fyrirtæki eins og Marel, Sindra Stál, Kögun eða what ever).
• Gallabuxum (Verða að vera plain, mega ekki vera með einhverju sérstöku sniði heldur bara mjög klassískar.

Svo er hægt líka hægt að vera fínn. Þá þarf maður að bæta við

• Skyrtu (að sjálfsögðu undir flíspeysuna)

Aðrir aukahlutir (accessories) eru:

• Penni í brjóstvasann ef maður er í skyrtu
• Leðurhulstur í beltið fyrir GSM símann
• Inniskór (svona klassískir með tveimur stillanlegum böndum yfir ristina)

Það væri gaman að fá komment ef ég er að gleyma einhverju. Einnig væri gaman að heyra ef aðrar stéttir hafa sérstök uniform.

 

Athugasemdir

[Ágúst H Bjarnason, 22.8.2006 kl. 19:30]

Ég leit í spegil. Lýsing þín passar 90%.

Fyrrverandi kúreki. Núverandi verkfræðingur.

[Óli (IP-tala skráð) 23.8.2006 kl. 05:45]

Leðurhulstur í beltið fyrir GSM símann... úje. Þú gleymir eiginlega bindinu fyrir hátíðarmúnderinguna.

[Sævar Helgi Lárusson, 23.8.2006 kl. 09:07]

Ég hef orðið fyrir talsverðum vandræðum undanfarin misseri, margir skirtuframleiðendur eru nefnilega farnir að sleppa brjóstvasanum...BÖMMER